Cfarë është prolapsi rektal?
Prolapsi rektal është dalja jashtë e pjesës së fundit të zorrës së trashë (rektumit) nëpërmjet kanalit anal. Prolapsi rektal klasifikohet në tre grupe:
1 - Prolapsi rektal mukoz(kur nëpërmjet kanalit anal del vetëm mukoza)
2 - Prolapsi rektal komplet(kur nëpërmjet kanalit anal dalin të gjitha shtresat e zorrës së trashë).
3 - Prolapsi rektal i brendshëm (kur ky process ndodh në brendësi të pjesës fundore të zorrës së trashë pa fenomene të dukshme në kanalin anal)
Cilat janë shkaqet e prolapsit rectal?
Prolapsi rektal haset më shumë në femrat. Raporti meshkuj - femra referohet 9/1.
Shkaqet:
• Lindjet e shumta
• Ndërhyrjet kirurgjikale ose traumat e në hapësirën e legenit (pelvisit)
• Dëmtime parësore të muskulaturës së legenit ose të rrjetit nervor “pudend”
• Kapslliku kronik dhe pamundësia e zbrazjes komplet gjatë defekimit
• Diarreja kronike
• Traumat ose patologjitë e kolonës vertebrale
• Skleroza multiple
• Të gjitha patologjitë që rrisin presionin abdominal për një periudhë relativisht të gjatë
• Mosha (haset në moshat mbi 50 vjec)
Cilat janë ankesat e pacientëve?
• Dalja e një pjese të zorrës së trashë nëpërmjet kanalit anal
• Dhimbje gjatë momentit të daljes së zorrës së trashë
• Ndërprerja e aktit të defekimit
• Eleminimi i gazrave dhe feceve në mënyrë të pavullnetshme
• Dermatit përreth fundit të zorrës së trashë
• Defekim me gjak
• Defekim me mukus
Si diagnostikohet prolapsi rektal?
Diagnoza fillon me egzaminimin fizik të pacientit. Egzaminimi është shumë i rëndësishëm dhe kërkon një përgatitje të lartë profesionale. Evidentohet masa e dalë e zorrë së trashë e cila dallon nga sëmundja hemorroidale.
Egzaminimet instrumentale janë:
• Rektoanoskopia
• Kolonoskopia/sigmoidoskopia
• Defekografia
• Manometria anale
• Koprokultura dhe egzaminimi mikrosopik i feceve
• Skaner ose rezonancë magnetike e legenit
Si trajtohet prolapsi rektal?
Trajtimi është kirurgjikal. Ai realizohet në dy mënyra:
1 - Në rrugë abdominale(duke hyrë në bark). Është teknikë e zgjedhur në rastet me prolaps komplet.
• Teknika e montimit të zorrës së trashë më ndihmën e protezave sintetike (Repstain etj)
• Teknika e heqjes së një pjese të zorrës së trashë dhe montimit (Frykman, Goldberg)
2 - Në rrugë anale. Është teknikë e zgjedhur për prolapsin mukoz.
• Teknika Delorme
• Teknika Altemeier
Të gjitha teknikat e mësipërme kirurgjikale i përshtaten llojit të patologjisë dhe kanë rezultatet e tyre të cilat varen nga:
• Kohëzgjatja e patologjisë
• Sëmundjet shoqëruese
• Mosha e pacientit
• Eksperienca e ekipit kirurgjikal
Rëndësi ka ndjekja postoperatore dhe korrigjimi i ndërlikimeve të mundshme. Mjeku kirurg koloproktolog duhet të jetë në komunikim me pacientin.